نصائح قانونية

كيفية ارجاع التليفون المسروق – اسهل طريقة لارجاع الهاتف المسروق – افضل طريقة لاسترداد الموبايل بعد سرقته

السادة الكرام والسيدات الجميلات زوار موقع قانون مصر في اطار تقديم الخدمات القانونية لحضراتكم سواء كنتم محامون او محاسبون او تعملون بالسلك القضائي أو طلبة دارسون او حتى من باب المطلعين والمحبين للثقافة القانونية نقدم لكم في هذا المقال كل الطرق القانونية التى من خلالها نستطيع ارجاع الموبايل المسروق مرة أخرى
ولكى نتعرف على الطرق المتاحة لعودة الهاتف او الموبايل المسروق مرة أخرى لابد من توافر بعض الشروط وهذه الشروط لابد منها وهى :-
أولا الشروط :-
الشرط الاول : وجود العلبة الخاصة بالهاتف المحمول أو فاتورة الضمان أو على الاقل فاتورة الشراء .
لابد من وجود العلبة الخاصة بالهاتف المحمول أو فاتورة الشراء او الضمان الخاص بالموبايل لكى نتمكن من عمل محضر السرقة لأن هذه الاشياء هى التى تثبت ملكيتنا للموبايل وبدونها لن يتم عمل المحضر ولو تم عمله لن يتم العثور عليه لأن الرقم السري الخاص بالموبايل مطبوع على الضمان او على العلبة وهو الطريقة الوحيدة للوصول الى الموبايل عن طريق التتبع .
الشرط الثانى : عمل محضر في نفس مكان وقوع السرقة
لابد من عمل المحضر الخاص بسرقة الهاتف المحمول فى نطاق دائرة القسم الذى تمت فيه السرقة لربما يكون رجال المباحث في ذلك القسم على علم بالمسجلين خطر والمعروف عنهم سرقة الموبايلات وقد يكون ذلك طريق اسرع في ارجاع الموبايل دون اللجوء بعد ذلك للنيابة وعمل مذكرة تتبع قد تستغرق شهور .
الشرط الثالث : عمل محضر سرقة الموبايل في نفس يوم واقعة سرقة الهاتف المحمول
فكلما كانت الاجراءات سريعة كلما كان العثور على الهاتف اسرع فذا لن يعطى لسارق الهاتف المحمول في بيعه أو إخفاؤه أو بيعه قطع غيار





ثانيا الإجراءات والطريقة
الطريقة الاولى :- عمل محضر في مباحث التليفونات :
1 – لازم حضرتك تتوجه لأقرب مقر للمباحث الخاصة بالتليفونات و عنوان مباحث التليفونات في القاهرة بجوار سنترال الماظة وفي كل محافظة فرع لمباحث التليفونات يمكن معرفتها عن طريق الاتصال برقم 122
2 – لازم يكون مع حضرتك بطاقة الرقم القومي وصورة منها
3 – ضرورى علبة التليفون المسروق الأصلية وصورة للسيريال نمبر ( السيريال نمبر ) يكونوا مع حضرتك .
4 – ارقام الشرائح اللى كانت شغالة في الموبايل قبل ما يتسرق .
5 – عمل المحضر مع امين الشرطة المختص ويجب عدم ذكر اى اسماء تشتبه فيها الا لو كنت متأكد 100 % من ان الشخص اللى حضرتك ذكرته هو اللى سرق الموبايل
6 – بعد ما المحضر يتكتب وحضرتك تمضي عليه امين الشرطة هيدى حضرتك رقمه عشان تتابع معاه .
ولو تم العثور على الهاتف سيتم الاتصال بحضرتك لاستلامه
الطريقة الثانية :- عمل محضر في قسم الشرطة :
– وهذه هى الطريقة الاوسع انتشارا ولابد من وجود نفس المستندات المنه عنها بالطريقة الاولى وهنا يتم عمل المحضر بسرقة الهاتف المحمول والمحضر بياخد رقم ادارى وبعد كده حضرتك او المحامى الخاص بحضرتك بيتابع المحضر وبيقدم طلب تتبع للنيابة وبيتم ارسال مذكرة تتبع لجميع شركات الهاتف المحمول في مصر وفي حالة استخدام التليفون بيتم ارسال اشعار للشركة صاحبة شريحة الموبايل وبيتم ارسال رد للنيابة العامة بالاسم والعنوان لصاحب الشريحة التى تم استخدامها في المحمول وبيتم تحرير جنحة ضد صاحب الشريحة وفي الغالب بيكون ملوش ذنب لأنه بيشترى التليفون بحسن نية وساعتها هو بيتفاوض مع حضرتك عشان تتنازل عن الجنحة في مقابل ثمن التليفون او ثمن مقارب لسعر التليفون
– وفي حالة حفظ المحضر بيتم عمل تظلم بمعرفة المحامى ويتابع الاجراءات
لمعلوماتكم جنحة سرقة التليفون الحضور فيها شخصي للمتهم وليس فيها تصالح وانما فيها عدول عن الاقوال لذلك على كل من يشترى تليفون ويكتشف انه مسروق يحاول بكل الطرق حل الموضوع وديا وارجاع الموبايل لصاحبه

ادارة الموقع

مقالات ذات صلة

اترك تعليقاً

زر الذهاب إلى الأعلى