مقالات عامة
احمي نفسك بنفسك
فيه ناس كتير بحسن نية ممكن تضر نفسها ومهمتنا كمحامين في موقع قانون مصر اننا ننصحهم ونرشدهم لبعض الاحنياطات اللى من خلالها ان شاء الله مش هيحصلهم اى ضرر
اول حاجة :-
متشتريش موبايل من غير علبته من حد انت متعرفوش
تانى حاجة :-
متشتريش موبايل من اى حد بدون ورقة مبايعة ودى تسأل فيها المحامى بتاعك
تالت حاجة :-
متخليش اى حد تحت اى ظرف يقولك ممكن احط الشريحة بتاعتى في تليفونك واعمل مكالمة
رابع حاجة :-
متحطش شريحتك في تليفون مش بتاعك
خامس حاجة :-
متخليش حد انت متعرفوش يعمل مكالمة من تليفونك بحجة انه مش معاه رصيد انت متعرفش المكالمة هيحصل فيها ايه
ممكن المكالمة تكون مليانة سب وقذف
ممكن يكون التليفون تم استعماله في جريمة
ممكن الشريحة تكون معمول بيها جرايم او متراقبة
مئات القضايا بتحصل كل يوم نتيجة حسن النية
خودوا بالكم واحموا نفسكم بنفسكم
