تعمل اية لو عربيتك اتسرقت ؟
معلومة قانونية تهمك
تعمل اية لو عربيتك اتسرقت ؟
طريقة إلغاء بلاغ سرقة سيارة
في حالة سرقة السيارة
إجراءات التبليغ عن سرقة
محضر سرقة عربيه
اعمل ايه لو العربية اتسرقت؟
انا اتسرقت اعمل ايه؟
كيف ابحث عن سيارة مسروقة؟
كيف ابلغ عن سرقة سيارة؟
تعال وانا اقولك ببساطه كده وبالترتيب تعمل ايه وتتصرف ازاى ؟!
اولا : بتروح تعمل محضر فى القسم اللى اتسرقت فى دائرته العرببة.
فى ناس بتتوقف لحد عمل المحضر !.. ودا لو كان صح بس مش اصح حاجة فى الدنيا. :
امال أيه اصح حاجة ؟
اصح حاجة، حضرتك هتاخد رقم المحضر اللى عملته فى القسم ولو استنيت يومين تاخد صورة رسمية منه من النيابة.. المهم تاخده وتطلع على المرور تعمل حاجة اسمها ” إشارة نشر ” (بص مخبيش عليك المفروض القسم هو اللى يعمل دا بس احنا عارفين انشغال الشرطة ) فدور على مصلحتك بنفسك !
المهم إشارة النشر دي معناها انك بتنشر علي كل أجهزه الحاسب الألى الخاصة بالشرطة في مصر ان عربيتك اللى نمرها كذا مسروقه، ودا إجراء فائدته ان لو العربية وقفت في أي كمين وضابط المرور استعلم عن النمر هيعرف ان العربية دي مسروقه و بيانات صاحبها ويقدروا يوصلولك،
كمان من ضمن فوائد إشارة النشر ان لو العربيه وجدت فى اى مكان وراحت اي اقسم علي مستوي مصر هيقدرو يوصلولك أو لو اللى سرقها عمل بيها اى جريمة يبقى قرينة أن مش انت اللى ارتكبت الجريمه دى لانك اخليت مسؤوليتك بتاريخ عمل المحضر والنشر بإن عربيتك مسروقه بتاريخ سابق عن ارتكاب الجريمه
فى حاجة كمان وهى ان المرور التابع له رخصة عربيتك يوقف التعامل علي العربية بأي شكل ودا ميزته ان لو انت سايب الرخص في العربية وقت السرقة ممكن الحرامي يزور توكيل ويبيع العربية لمشتري حسن النيه ساعتها انته بتدخل نفسك في دوامه لأنه ممكن يروح ينقل ملكية ومحدش يفحص التوكيل اللى معاه ويطلع رخصه بإسمه لكن لو موجود في ملف العربيه جواب بوقف التعامل عليها ساعتها اي حد يروح يعمل رخصه هيتمسك والعربيه هيتم التحفظ عليها ويقدرو يوصلوك برقم المحضر…. ملحوظه اخيره …. خليك حريص وانت بتعمل اي محضر انك تسيب رقم تليفونك في المحضر نفسه عشان يقدروا يوصلولك بسهولة
