لو بتشتري شقة بالقسط خد بالك من النصائح القانونية

لو بتشتري شقة بالقسط خد بالك من النصائح القانونية

١_ مهم جدا انك تكتب المبلغ اللي قمت بسداده كمقدم من ثمن الشقه والتوضيح بان توقيع البائع على العقد يعتبر بمثابة إيصال إستلام لهذا المبلغ

٢_ كتابة الأقساط وتواريخ استحقاقها بوضوح دون اي لبس او غموض مع ذكر مدة فترة السماح

٣_ اضافة بند فى العقد يعطى الحق للمشترى فى الحصول على ايصال إستلام من البائع عند سداد كل قسط.

٤_ بعد التوقيع على عقد البيع ارفع دعوي صحه توقيع

علي فورا.

ه_ لازم يتم النص في العقد بشكل واضح علي ميعاد التسليم وميعاد تحرير العقد النهائي ومتتركش الامور عايمه حفاظا علي حقك من الضياع .

٦_ الاتفاق على ان وديعة الصيانه تدفع عند الإستلام او تضاف وتقسم على عدد الأقساط لا تدفع وديعة صيانة وانت لسه الشقه مش فى حيازتك

٧_ عدادات الكهرباء والمياه والغاز لازم يتم النص علي ان يلتزم البائع بنقل ملكيتها اليك دون مطالبتك باي مبالغ اخري غير المتفق عليها بموجب العقد ٠

٨_ لازم يكون في شرط جزائي ويكون في تعويض عن كل يوم تأخير في الاستلام ويكون مبلغ كبير.

٩_اكتب الثمن الحقيقي للبيع في العقد واحذر كتابة ثمن اقل

بحجة الخوف من الضريبه.

ولو هتشتري من شركه

لازم وجود قرار التخصيص

وصورة الترخيص

والسجل التجاري والكشف عليهم من خلال محاميك

١٠_ لازم تسأل عن سمعة الشركة لان في شركات كتير سيئة السمعة اوعي تشتري منهم .

** عقود الشركات بتتغير اوعي تقبل عقد جاهز ومش مناسب ليك من حقك تطلب باضافة او حذف اي بند في العقد لضمان حقك وضمان مواعيد الاستلام.